నవతెలంగాణ-హైదరాబాద్‌బ్యూరో
హంటింగ్టన్‌ అనే వ్యాధి బారిన పడిన రోగులు, వారి కుటుంబ సభ్యులకు టీఎస్‌ఆర్టీసీ అండగా నిలుస్తుందని ఆ సంస్థ చైర్మెన్‌, మేనేజింగ్‌ డైరెక్టర్లు బాజిరెడ్డి గోవర్థన్‌, వీసీ సజ్జనార్‌ తెలిపారు. వంశపారంపర్యంగా సంక్రమించే ఈ జెనిటిక్‌ వ్యాధి పట్ల అప్రమత్తంగా ఉండాలని చెప్పారు. ఈ వ్యాధిగ్రస్తులకు సంఘీభావం తెలిపేందుకు మంగళవారం బస్‌భవన్‌లో హంటింగ్టన్‌ డిసీజ్‌ సొసైటీ ఆఫ్‌ ఇండియా (హెచ్‌.డి.ఎస్‌.ఐ) నిర్వహణలో అవగాహన కార్యక్రమం నిర్వహిస్తున్నా మన్నారు. ఆరోజు బస్‌భవన్‌లో నీలం, ఊదారంగు లైట్లను వెలిగించడం ద్వారా తమ సంఘీభావాన్ని వ్యక్తం చేస్తామని తెలిపారు.
మీ స్నేహితులకు రికమెండ్ చెయ్యండి
