- సీనియర్‌ రెసిడెంట్‌ డాక్టర్స్‌ అసోసియేషన్‌
నవతెలంగాణ బ్యూరో - హైదరాబాద్
పెండింగ్‌ వేతనాలు, ఉపకార వేతనాలను ప్రభుత్వం సకాలంలో చెల్లించనందుకు నిరసనగా శుక్రవారం నుంచి అత్యవసర సేవలను నిలిపివేస్తున్నట్టు సీనియర్‌ రెసిడెంట్‌ డాక్టర్స్‌ అసోసియేషన్‌ ప్రకటించింది. గత రెండు రోజులుగా చేస్తున్న ఆందోళనల్లో భాగంగా గురువారం రెసిడెంట్‌ డాక్టర్లు ఎర్రగడ్డలోని మానసిక చికిత్సాలయంలో నిరసన ప్రదర్శన నిర్వహించారు. అనంతరం ఆ అసోసియేషన్‌ నాయకులు డాక్టర్‌ రాజీవ్‌ మాట్లాడుతూ తాము ప్రభుత్వం ముందు మూడు డిమాండ్లను ఉంచామని తెలిపారు. 2021 మే నెల ఉపకార వేతనం, సీనియర్‌ రెసిడెంట్‌ డాక్టర్ల పెండింగ్‌ వేతనాలు, సీనియర్‌ రెసిడెంట్‌ పూర్తి అయ్యేదానిపై స్పష్టత ఇవ్వాలని ప్రభుత్వాన్ని కోరినట్టు తెలిపారు.
మీ స్నేహితులకు రికమెండ్ చెయ్యండి
