- 923 మందికి కరోనా
నవతెలంగాణ బ్యూరో - హైదరాబాద్
రాష్ట్రంలో కొత్తగా 923 మందికి కరోనా సోకింది. గురువారం సాయంత్రం 5.30 గంటల నుంచి శుక్రవారం సాయంత్రం 5.30 గంటల వరకు 40,593 మందికి టెస్టులు చేయగా బయటపడినట్టు కోవిడ్‌-19 మీడియా బులెటిన్‌ వెల్లడించింది. 739 మంది డిశ్చార్జి అయ్యారు. 500 మంది రిపోర్టులు రావాల్సి ఉంది. రాష్ట్రంలో ప్రస్తుతం 5,170 యాక్టివ్‌ కేసులున్నాయి. వీరిలో ప్రభుత్వ, ప్రయివేటు ఆస్పత్రుల్లో 89 మంది చికిత్స పొందుతున్నారు. జిల్లాల వారీగా చూస్తే హైదరాబాద్ లో అత్యధికంగా 366 మందికి కరోనా సోకింది. రాష్ట్రంలో పాజిటివ్‌ రేటు 2.27 శాతంగా నమోదయింది.
మీ స్నేహితులకు రికమెండ్ చెయ్యండి
