- సీఎం కేసీఆర్‌ దసరా శుభాకాంక్షలు
నవతెలంగాణ బ్యూరో - హైదరాబాద్‌
రాష్ట్ర ప్రజలకు ముఖ్యమంత్రి కె. చంద్రశేఖర్‌ రావు దసరా పండుగ శుభాకాంక్షలు తెలిపారు. ధర్మ స్థాపనకు నిదర్శనంగా, విజయాలను అందించే విజయ దశమిగా దసరా పండుగను దేశవ్యాప్తంగా జరుపుకుంటారని పేర్కొన్నారు.దసరా రోజున శుభసూచకంగా పాలపిట్టను దర్శించి పవిత్రమైన జమ్మిచెట్టుకు పూజలు చేసే సాంప్రదాయం గొప్పదని తెలిపారు. ఆవిర్భవించిన అనతికాలంలోనే అభివృద్ధిని సాధించిన తెలంగాణ దేశానికి ఆదర్శంగా నిలిచిందని చెప్పారు. మన రాష్ట్రం స్పూర్తితో దేశం ప్రగతిబాటలో నడువాలని సీఎం ఆకాంక్షించారు. మంత్రులు వేముల ప్రశాంత్‌ రెడ్డి, ఎర్రబెల్లి దయాకర్‌ రావు, ఎంపీ వద్దిరాజు రవిచంద్ర తదితరులు శుభాకాంక్షలు తెలిపారు.