నవతెలంగాణ బ్యూరో-హైదరాబాద్
పోలీసు రిక్రూట్‌మెంట్‌ బోర్డు నోటిఫికేషన్‌లో ఈడబ్ల్యూఎస్‌ అభ్యర్థులకు కటాఫ్‌ మార్కుల్లో మినహాయింపు ఇచ్చి న్యాయం చేయాలని బీజేపీ రాష్ట్ర అధ్యక్షులు, ఎంపీ బండి సంజయ్‌కుమార్‌ కోరారు. ఆదివారం ఈ మేరకు సీఎం కేసీఆర్‌కు లేఖ రాశారు. ఎస్సీ, ఎస్టీ, బీసీ అభ్యర్థులకు కటాఫ్‌ మార్కుల్లో మినహాయింపు ఇచ్చి ఈడబ్ల్యూఎస్‌ అభ్యర్థులకు కటాఫ్‌ మార్కుల్లో మినహా యింపు ఇవ్వకపోవడం దారుణమని పేర్కొన్నారు. తక్షణమే ఈడబ్ల్యూఎస్‌ అభ్యర్థులకు కూడా కటాఫ్‌ మార్కుల్లో మినహాయింపు ఇస్తూ పోలీస్‌ రిక్రూట్‌ మెంట్‌ బోర్డు నోటిఫికేషన్‌ను సవరించాలని డిమాండ్‌ చేశారు.
మీ స్నేహితులకు రికమెండ్ చెయ్యండి
