Authorization
Mon Jan 19, 2015 06:51 pm
నవతెలంగాణ-మొగుళ్ళ పల్లి
పురుగుల మందు తాగి యువ రైతు ఆత్మహత్య చేసుకున్న సంఘటన జయశంకర్-భూపాలపల్లి జిల్లా మొగుళ్లపల్లి మండలం రంగాపురం గ్రామంలో శుక్రవారం జరిగింది. ఎస్ఐ శ్రీధర్ తెలిపిన వివరాల ప్రకారం.. గ్రామానికి చెందిన సిరిబొమ్మల ప్రశాంత్(26) తన తండ్రి చనిపోవడంతో తల్లి స్వప్నతో ఉంటూ వ్యవసాయం చేస్తూ జీవనం సాగిస్తున్నాడు. వారికి ఉన్న నాలుగు ఎకరాల భూమిలో మిర్చి పంట సాగుచేయగా, పెట్టుబడి కోసం రూ.5 లక్షలు అప్పు చేశాడు. పంటకు తెగులు సోకి దిగుబడి తగ్గడంతో.. తెచ్చిన అప్పులు ఎలా తీర్చాలని మనస్తాపానికి గురై పురుగుల మందు తాగి ఆత్మహత్య చేసుకున్నాడు. మృతుని తల్లి స్వప్న ఫిర్యాదు మేరకు కేసు దర్యాప్తు చేస్తున్నట్టు ఎస్ఐ తెలిపారు.