యాదాద్రి భువనగిరి జిల్లా కలెక్టర్‌ పమేలా సత్పతి
నవతెలంగాణ- భువనగిరిరూరల్‌
తెలంగాణ సాయూధ రైతాంగ పోరాటంలో పోరాడిన గొప్ప యోధ ురాలు చాకలి ఐలమ్మ అని యాదాద్రి భువనగిరి జిల్లా కలెక్టర్‌ పమేలా సత్పతి ఉన్నారు. తెలంగాణ సాయుధ పోరాట యోధు రాలు చాకలి ఐలమ్మ జయంతిని ఆదివారం కలెక్టర్‌ కార్యాలయంలో బీసీ సంక్షేమ శాఖ ఆధ్వర్యంలో నిర్వహించారు. ఐలమ్మ చిత్రపటానికి ఆమె పూలమాలలు వేసి ఘనంగా నివాళులర్పించారు. ఈ సందర్భంగా కలెక్టర్‌ మాట్లాడుతూ మహిళా చైతన్యానికి ప్రతీక అని అభివర్ణించారు. ఆడది అబల కాదు సబల అని, ఆదిశక్తి అని ఆ రోజులలోనే నిరూపించిన చాకలి ఐలమ్మ స్ఫూర్తిని ప్రతి మహిళ ఆదర్శంగా తీసుకోవాలని కోరారు. ఈ కార్యక్రమంలో అదనపు కలెక్టర్‌ శ్రీనివాస్‌ రెడ్డి, బీసీ సంక్షేమ జిల్లా అధికారి యాదగిరి, కలెక్టరేట్‌ పరిపాలనాధికారి నాగేశ్వర చారి, కుల సంఘాల ప్రతినిధులు, రజక వత్తిదారుల సంఘం రాష్ట్ర కార్యదర్శి వడ్డెమాను శ్రీను, ముదిగొండ రాము, తెలంగాణ రాష్ట్ర రజక సంఘాల జేఏసీ యాదాద్రి భువనగిరి జిల్లా అధ్యక్షులు ముదిగొండ రాములు, ప్రధాన కార్యదర్శి జూపల్లి నగేష్‌, తెలంగాణ వత్తిదారుల సంఘం కన్వీనర్‌ మాటూ రి బాలరాజ్‌ గౌడ్‌ పాల్గొన్నారు.
