- పోస్టుమాస్టర్‌పై కొనసాగుతున్న విచారణ
నవతెలంగాణ-పెన్‌పహాడ్‌
             'సస్పెండ్‌ అయినా తీరు మారలేదు' పేరిట నవతెలంగాణ పత్రికలో గురువారం ప్రచురితమైన కథనానికి అధికారులు స్పందించారు. ఈ విషయంపై పోస్టల్‌ సూర్యాపేట ఈస్ట్‌ సబ్‌ డివిజన్‌ ఇన్‌స్పెక్టర్‌ గౌని సురేష్‌ పోస్టాఫీస్‌ పరిధిలోని అన్నారం, నారాయణగూడెం,నాగులపహాడ్‌ గ్రామాలకు శుక్రవారం విచ్చేసి పోస్ట్‌మాస్టర్‌ సాంబయ్యపై వచ్చిన ఆరోపణల మేరకు విచారణ ప్రారంభించారు.గ్రామంలో కొంతమందిని విచారణ చేశానని, మరికొంత మందిని కూడా విచారించి నివేదికను ఉన్నతాధికారులకు అంద జేస్తామన్నారు.నివేదిక ఆధారంగా తగు చర్యలు తీసుకుంటామన్నారు.ఈ కార్యక్రమంలో పోస్టల్‌ అధికారులు అప్పయ్య, ఆంజనేయులు, వివిధ గ్రామాల ప్రజలు పాల్గొన్నారు.