నవతెలంగాణ - గుజరాత్: బస్సు బోల్తా పడిన ఘటనలో ఒకరు మృతి చెందగా, 16 మంది గాయపడ్డారు. పోలీసులు తెలిపిన వివరాల ప్రకారం.. గుజరాత్ నుంచి 27 మంది ప్రయాణికులు చార్దామ్ యాత్రకు ఓ బస్సులో బయల్దేరారు. బద్రీనాథ్ హైవేపై కౌడియాల సమీపంలో బస్సు అదుపు తప్పి బోల్తా పడింది.  ఈ ప్రమాదంలో మహిళ చనిపోగా, మరో 16 మంది గాయపడ్డారు. బస్సుకు బ్రేకులు వేడెక్కడంతో బ్రేకులు పడలేదని దీంతో బస్సు అదుపుతప్పినట్టు పోలీసులు అనుమానిస్తున్నారు. ఈ ఘటనలో మరణించిన కల్పన(32)  గుజరాత్ రాష్ట్రం అహ్మదాబాద్ వాసి. పరారీలో ఉన్న డ్రైవర్ ఆచూకీ వెతుకుతున్నామని పోలీసులు తెలిపారు.