నవతెలంగాణ-భిక్కనూర్
కామారెడ్డి పట్టణ కేంద్రంలో మ్యాథ్స్ ఫైండర్ ఇన్‌స్టిట్యూట్ ఆధ్వర్యంలో ఇటీవల కాలంలో జిల్లాలోని ఆరవ తరగతి నుండి పదవ తరగతి వరకు చదువుతున్న విద్యార్థులకు నిర్వహించిన టాలెంట్ టెస్టులో మొదటి స్థానం సాధించిన విద్యార్థులకు నగదు పురస్కారంతో పాటు శాలువాతో సత్కరించారు. ఈ సందర్భంగా మ్యాథ్స్ ఫైండర్ ఇన్‌స్టిట్యూట్ నిర్వాహకులు నాయిని జగదీష్ మాట్లాడుతూ విద్యార్థుల్లోని ప్రతిభను వెలికి తీయడానికి ఇన్స్టిట్యూట్ ఆధ్వర్యంలో టాలెంట్ టెస్ట్ నిర్వహించడం జరుగుతుందని సూచించారు. ఈ కార్యక్రమంలో సాందీపని విద్యాసంస్థల డైరెక్టర్ బాలాజి రావు, ఆర్యభట్ట కళాశాల ప్రిన్సిపాల్ నరేందర్ గౌడ్, సహేంధర్ నాథ్, తదితరులు పాల్గొన్నారు.